- O’tgan turda turnir jadvali karvonboshisi «Bunyodkor» maydonidan ochko olib qaytgan «oltin izlovchilar» Superliganing 6-tur doirasida o’z maydonida «Qo’qon-1912» klubini qabul qiladi. Qo’qonliklar 18-aprel kuni Samarqandga tashrif buyurishadi. Ayni damda Nikola Lazarevich shogirdlari Superliga turnir jadvalida 4 o’yinda 1 g‘alaba, 2 ta mag’lubiyat va 1 durang qolaversa 1 ta uchrashuv zahirasi bilan 12-pog’onadan joy olishgan.
