“Qizilqum” jamoasi yangi mavsum oldidan seleksiya ishlarini jadallik bilan olib bormoqda va klub tarkibidagi shartnomasi yakunlangan futbolchilar bilan o’rtadagi bitimni uzaytirish ishlarini amalga oshirmoqda. Ikki mavsumdan beri himoya chizig’ida ishonchli harakat qilayotgan Ilhomjon Vahobov klubimiz bilan shartnomani yana 2 yilga uzaytirdi. Ilhom o’tgan mavsumda Superliga va O’zbekiston kubogida jami 28 ta uchrashuvda maydonga tushib, sheriklariga 3 marotaba golli uzatmani amalga oshirgan.
