- Jamoamiz a’zolari joy olgan samolyot uch soatdan oshiqroq vaqt davomida charter reysni amalga oshirib, belgilangan manzil – Yekaterinburg shahriga yetib keldi.
“Kolsovo” aeroportida jamoamiz delegatsiyasining musobaqa tashkilotchilari o‘ziga xos tarzda iliq kutib olishdi. Klub delegatsiyasi aeroportdan chiqib, o‘zlari uchun ajratilgan “Ekaterinburg” mehmonxonasiga joylashishdi. Jamoamiz a’zolari 7 iyul kuni musobaqa doirasida ilk bellashuvni Serbiyaning “IMT Belgrad” klubiga qarshi bahs bilan boshlashadi.
