O‘yin haqida nima deyishim mumkin: barchangiz ko‘rdingiz, qiziqarli bahs bo‘ldi. Ha, biz asosiy e’tiborni himoyaga qaratgan holda qarshi hujumlardan samarali foydalanishni maqsad qilgandik. «Navbahor» qanday o‘ynashini bilardik, qolaversa, chempionat yetakchilaridan biri bilan, bo‘lib ham Namanganda ochiq o‘yin ko‘rsatish xato ish bo‘lardi. Omad ham bugun biz tomonda bo‘ldi va bir ochkoni qo‘lga kiritdik, deb ayta olaman. Yigitlarga rahmat aytmoqchiman, ular bor kuchlari bilan harakat qilishdi. Uzoq masofa bosib o‘tib, bizni qo‘llab-quvvatlash uchun stadionga yetib kelgan muxlislarga ham minnatdorchilik bildiraman.
