Sevimli «Qizilqum» jamoamiz superliganing 16-tur uchrashuvini Navoiyda «Metallurg» jamoasiga qarshi o’tkazadi.
Ushbu jamoalar milliy chempionatlarda o’zaro 47 uchrashuvda maydonga tushishgan. Ularning 18 tasida vakillarimizning qo’li baland kelgan bo’lsa, yana 17 ta o’yinda «Metallurg» jamoasining ustunligi qayd etilgan. Qolgan 12 uchrashuvda jamoalar murosa ko’chasini tanlagan. To’plar nisbati esa 61-60, jamoamiz foydasiga.
«Qizilqum» jamoasining o’zaro uchrashuvlar tarixidagi eng yirik g’alabasi 2006 yilda qo’lga kiritilgan bo’lib, o’shanda «konchilar» raqibni 5:0 hisobida mag’lub etishgan.
«Qizilqum» va «Metallurg» jamoalarining so’nggi 5 uchrashuv natijalari:
«Metallurg» 1:0 «Qizilqum»
«Qizilqum» 0:1 «Metallurg»
«Metallurg» 1:1 «Qizilqum»
«Qizilqum» 1:3 «Metallurg»
«Metallurg» 1:2 «Qizilqum»
